🕋 നിങ്ങൾക്കും മുഹമ്മദ് നബിയുടെ (ﷺ) അടുത്ത ആളാകാം! ജീവിതവിജയം നേടാൻ ഏറ്റവും പവർഫുൾ സലാത്ത് ഇതാ

പയ്യന്നൂർ – രാമന്തളി കവ്വായി - മാടക്ക 

കണ്ണൂർ ജില്ലയിൽ സ്ഥിതിചെയ്യുന്ന പയ്യന്നൂർ കേരളത്തിന്റെ വടക്കൻ ഭാഗത്തെ സാംസ്‌കാരികസമ്പന്നമായ ഒരു ടൌൺ . സമീപ പ്രദേശങ്ങളിൽ താമസിക്കുന്ന ആളുകൾക്ക്  പയ്യന്നൂർ ആണ് ആശ്രയം ഈ പ്രദേശം ഇന്ന് ഒരു പ്രാദേശിക ടൗൺ കേന്ദ്രമായി വളർന്നു കഴിഞ്ഞിരിക്കുന്നു.

പയ്യന്നൂർ 

എഴിമലയും കവ്വായികായലും  ഈ പ്രദേശത്തിന്റെ നൈസർഗിക സൗന്ദര്യം വർദ്ധിപ്പിക്കുന്നു.

പ്രകൃതിദൃശ്യങ്ങളും വിനോദസഞ്ചാര കേന്ദ്രങ്ങളും

• എഴിമല: ഏഴിമല കാണേണ്ട കാഴ്ചയാണ്. വളരെ പ്രകൃതി മനോഹരം 
• കവ്വായി : backwater boating-നുള്ള മികച്ച ലൊക്കേഷൻ.
• പ്രദേശിക തീരദേശകേന്ദ്രങ്ങൾ.രാമന്തളി കവ്വായി, മാടക്ക 

വിസിറ്റർമാരുടെ എണ്ണം

പ്രതിദിനം കൂടിക്കൂടി വരുന്നുണ്ട് പയ്യന്നൂർ നഗരം ആണെങ്കിൽ പണ്ടുമുതലേ സമീപ പ്രദേശത്തെ ആളുകൾ എല്ലാ ആവശ്യങ്ങൾക്കും ആശ്രയിക്കുന്ന നഗരമാണ്.  പത്തായിരത്തിനു മുകളിൽ ആളുകൾ ദിവസവും ഈ നഗരം സന്ദർശിക്കുന്നുണ്ടാവും കൃത്യമായിട്ടറിയില്ല എങ്കിലും ഈ ടൌൺ വീഥികൾ എപ്പോളും തിരക്കേറിയതാണ് . സന്ദർഷകരിൽ ഭൂരിഭാഗവും പ്രാദേശിക യാത്രക്കാർ, തീർത്ഥാടകർ, വിദ്യാർത്ഥികൾ  ജോലി ചെയ്യുന്നവർ, ഉദോഗസ്ഥർ എന്നിവരാണ്. എട്ടിക്കുളം, പാലക്കോട്, പുതിയ പുഴക്കര കുന്നരു, രാമന്തളി, പുഞ്ചക്കാട്, കണ്ടങ്കാളി, കൊറ്റി ( പയ്യന്നുർ )റയിൽവേ സ്റ്റേഷൻ വഴി വരുന്ന ആളുകൾ  കാവ്വായി, പെരുമ്പ, എഡാട്ട്, തൃക്കരിപ്പൂർ,പടന്ന ഇങ്ങനെ സമീപത്തുള്ള ചുറ്റുഭാഗത്തു നിന്നുമുള്ള ഒരുപാട് ആളുകൾ ഈ ടൌൺ ഏറെ ആശ്രയിക്കുന്നു.

വിദ്യാഭ്യാസവും ജീവിതശൈലി

പയ്യന്നൂർ ഇവിടെ പയ്യന്നുർ കോളേജ്, ഗവണ്മെന്റ് പോളിടെക്നിക്, സ്കൂളുകൾ, മറ്റു വിദ്യാഭ്യാസ സ്ഥാപനങ്ങൾ തുടങ്ങിയവയിലൂടെ വിദ്യാഭ്യാസമേഖലയിലും വളർച്ചയിലായിട്ടുണ്ട്. ഇതുപോലെ തന്നെ ചെറുകിട കച്ചവടങ്ങളും ഓട്ടോ/ടാക്‌സി സേവനങ്ങളും ഈ പ്രദേശത്തെ ജീവിതത്തിന്റെ ഭാഗമാണ്.

യാത്രാസൗകര്യങ്ങൾ

പയ്യന്നൂർ റെയിൽവേ സ്റ്റേഷൻ കേരളത്തിലെ പ്രധാന സ്റ്റേഷനുകളിൽ ഒന്നാണ്. KSRTC, സ്വകാര്യ ബസുകൾ, ഓട്ടോകൾ, ടാക്‌സികൾ എന്നിവ സുലഭമാണ്.ഇവിടെ നിന്നും കാവ്വായി, രാമന്തളി, മാടക്ക എന്നി തീര ദേശ പ്രദേശങ്ങളിലേക്കൊക്കെ ഇഷ്ടം പോലെ വാഹനങ്ങൾ ലഭിക്കും 

🏞️  സമീപ പ്രദേശങ്ങൾ 

രാമന്തളി 

ഇത് ഒരു ചെറിയ ഗ്രാമം എന്നപോലെ തോന്നിച്ചാലും, അതിന്റെ ഭംഗിയും മനസ്സിലാവാത്ത ശാന്തതയും അനുഭവിച്ചാലേ അറിയൂ.

🌊 കായലോരത്തിന്റെ സൗന്ദര്യം

രാമന്തളിയിൽ നിന്ന് വളരെ അടുത്തുള്ളതാണ് കയ്യോടെത്താവുന്ന കായൽ –അപ്പുറത്തെ വശത്തു വലിയ പറമ്പ കായലോരമാണ് മനോഹരം. കായലിന്റെ മറുവശത്തേക്ക് ബോട്ടിലോ ഓടത്തിലോ

പോയി കഴിഞ്ഞാൽ നോക്കുമ്പോൾ കാണാൻ കഴിയുന്നത് വീടുകളും ആളുകളുടെ ശാന്തമായ ജീവിതശൈലിയും ഒരു വാക്കിൽ മനോഹരമാണ്.

🌊 കായലിനും കടലിനുമിടയിലെ വഴിത്താര

🚶‍♂️ കായൽ മുറിച്ച് കുറച്ച് നടന്നാൽ...

കുറച്ച് ദൂരം നടക്കുമ്പോൾ തന്നെ കയ്യെത്തുന്ന പോലെ അറബിക്കടൽ നമ്മളെ സ്വാഗതം ചെയ്യും. അവിടെ കാറ്റിന്റെ ശബ്ദവും തിരകളുടെ കുലുക്കവും ചേർന്ന് നമ്മളെ പ്രകൃതിയുടെ ഭാഗമാക്കി മാറ്റും.

ഇവിടെ നിന്നുള്ള കാഴ്ചകൾ, പ്രത്യേകിച്ച് വൈകിട്ട് സമയത്ത്, കായലിന്റെ അരികിലേക്ക് വീഴുന്ന സൂര്യാസ്തമയ പ്രകാശം, ഒരവസാനം കാണാൻ മാത്രം അനുഭവം തന്നെയാണ്.

🛶 രാമന്തളി -കവ്വായി – മാടക്ക പുഴയും കടലും കാണാൻ ഭംഗിയുള്ള നല്ല സ്ഥലം 

🚣‍♂️ ബോട്ടുകൾ വരും, പോകും – പക്ഷേ അതൊരു ശബ്ദമല്ല, സംഗീതമാണ്

രാമന്തളി ബോട്ട് ജെട്ടിയിൽ ചെറുതും വലുതുമായ ബോട്ടുകൾ കടലിലേക്കും കായലിലേക്കും യാത്ര ചെയ്യുന്നത് നിത്യചടങ്ങാണ്.

ഇവിടെ നിന്ന് കവ്വായിയിലേക്കുള്ള boat safari-കൾ, ചിലപ്പോൾ മീൻപിടിത്തക്കാർ, ചിലപ്പോൾ സ്‌കൂളിലേക്ക് പോകുന്ന കുട്ടികൾ — ഓരോ ബോട്ടിനും ഓരോ കഥ.

ഈ 3 പ്രദേശവും പുഴയും അടുത്ത് തന്നെ അറബികടലും ചേർന്ന് വസന്തമായി നിലകൊള്ളുന്ന സ്ഥലമാണ്. ഇവിടെ ചെറിയ ബോട്ടിൽ വെള്ളത്തിലൂടെ കറങ്ങാം മീൻപിടിത്തം, തോണി യാത്ര, ഒപ്പം കടലിന്റെ തീരത്ത് നടക്കാൻ പറ്റുന്ന ഇടങ്ങൾ – ഇവയെല്ലാം കൂടി ഇവിടെ സന്ദർശിക്കുന്നവർക്ക് നല്ല ഒരു ദിവസം ചിലവഴിക്കൽ ആയിട്ട് തന്നെ തോന്നും.

🌴 മാടക്ക – മരങ്ങളും മതിലുകളും നിറഞ്ഞ ഗ്രാമം

മാടക്ക എന്ന് വിളിക്കുന്ന ഈ ചെറിയ പ്രദേശം അതിന്റെ വഴിയരികിലെ തെങ്ങുകളും, പഴയ വീട്ടുമുറ്റങ്ങളും, കുട്ടിക്കാല ഓർമ്മകളുമാണ് ഓർമ്മപ്പെടുത്തുന്നത്.. ബോട്ട് റൈഡിനും സഞ്ചാരത്തിനും വരുന്നവർ ക്ക് ഈ പ്രദേശങ്ങൾ നല്ല അനുഭവം ആണ് നൽകുന്നത്. രാമാന്തളിയിൽ നിന്നും നദി മുറിച്ചുകടക്കൽ നല്ല ഒരു കാഴ്ചയാണ് വീഡിയോ കാണുക 

❤️ ഒരു വ്യക്തിഗത വാക്ക്

 Malayali Screen എന്ന ബ്ലോഗിലൂടെ

ഇത് വായിക്കുന്ന നിങ്ങൾ ഒരിക്കൽ ഇവിടെ വരാൻ സാധിക്കട്ടെ – ഇവിടെ വന്നാൽ ഇവിടെ ഒരായിരം കഥകളുണ്ട്" എന്നതിലേക്കാണ് നിങ്ങൾക്ക് മനസ്സിൽ തോന്നുന്നത്.

📍 എങ്ങനെ എത്താം?

📍 Payyannur – Ramanthali – Boat Jetty വഴി

📱 Google Maps-ൽ "Ramanthali Boat Jetty" എന്ന് ടൈപ്പ് ചെയ്താൽ കാണും

🚶‍♂️ നാടൻ വഴികൾ, വഴിയരികിൽ മരങ്ങൾ, ഒപ്പം കായലിനോടൊപ്പം കൂടിയ പാതയിലൂടെ എത്താം